ബസ്സില്‍ ഇരിക്കുമ്പോഴും എന്റെ മനസ്സ് ആഹോട്ടലില്‍ തന്നെയായിരുന്നു, പൂണൂല്‍ ധരിച്ച് അടുത്ത് വരുന്ന ഹോട്ടല്‍ ജീവനക്കരന്‍,നാട്ടില്‍ അമ്പലത്തിലല്ലാതെ മറ്റെവിടെയും ഞാന് പൂണൂല്‍ ധരിച്ച് ആള്‍ക്കാര്‍ നിക്കുന്നത് കണ്ടിട്ടില്ലായിരുന്നു.ഹോട്ടല്‍ പണിചെയ്യുന്ന നമ്പൂര്യോ ,ഇതെന്തു പുതുമ,നാട്ടിലെ ഏക നമ്പൂതിരി ഇല്ലവും അവിടുത്തെ മാഷെയും എനിക്കറിയാം, ഞങ്ങളുടെ സ്കൂളില് മാഷായിരുന്നു.ഇല്ലം എന്നും ,നമ്പൂരി എന്നും ഒക്കെ പറയുമ്പോള്‍ സാധാരണ മലയാളിയുടെ മനസ്സില്‍ അക്കാലത്ത് വിരിയുന്ന ചിത്രത്തിനനുസരിച്ചുള്ള ജീവിതരീതികളുമായി കഴിയുന്ന സ്വാതികര്‍,വലിയ പുരോഗമനമൊന്നും സ്വയം അവകാശപ്പെടാതെ ജീവിക്കുന്ന ശുദ്ധാത്മാക്കള്‍, കാലം കുറെ കഴിഞ്ഞാണ് ഹോട്ടലില്‍ കണ്ടത് ഉഡുപ്പി ബ്രാഹ്മിന്‍സാണെന്നും അവരുടെ രീതികള്‍ നാട്ടിലുള്ളവരുമായി തൊഴിലിലും മറ്റുംവ്യത്യാസം ഉണ്ടെന്നും മനസ്സിലായത്.എന്റെ നടുവെല്ലാം വേദനിക്കാന്‍ തുടങ്ങി, എത്രനേരായി ഈ ഇരിപ്പ്,എല്ലാരും കര്‍ട്ട്ന്‍ മാറ്റിവെച്ച് പുറം കാഴ്ചകളും കണ്ടാണ് യാത്ര,വി ഡി ഒ കോച്ചില്‍ സിനിമ തകര്‍ത്ത് ആടുന്നുണ്ട്. ആരും ആസ്വദിക്കരുതെന്ന നിര്‍ബ്ബദ്ധമുള്ളതുകൊണ്ടാണൊ ഇവന്മാര്‍ കന്നട സിനിമ തന്നെ ഇട്ടത്,അതോ കര്‍ണ്ണാടകയല്ലെ എല്ലാരും കുറെ കന്നട കേട്ടോട്ടെ എന്നു ബസ്സിലെ കിളിയും,ഡ്രൈവറും മറ്റും കരുതിക്കാണുമോ,ഏതായാലും കന്നട പടം കണ്ടിട്ടില്ല എന്ന കുറവ് തീര്‍ന്നല്ലോ,ഭാഗ്യായി...
ഉച്ചയോടെ ബസ്സ് ഒരു ഹോട്ടലിനു മുന്നില്‍ നിര്‍ത്തി , മുന്‍പ് തന്നെ വേറെ ഹോട്ടലുകള്‍ വഴിയില്‍ കണ്ടപ്പോള്‍ എവിടേലും നിര്‍ത്തുമെന്ന് കരുതിയതാ.ഒരു പന്ന ഹോട്ടല്‍ ,അതിലും കൂടുതല്‍ നന്നാക്കി അതിനെ പറയാന്‍ പറ്റില്ല,ചോറിന്റെ മുന്‍ഗാമിയെന്ന് തോന്നുന്ന സാധനവും ചില ചോപ്പും , മഞ്ഞയും വെള്ളങ്ങളും കിട്ടി ,കറിയായിരിക്കും അതെന്ന് എനിക്കും മുഹമ്മദിനും നല്ല ബുദ്ധിആയതോണ്ട് പെട്ടന്ന് മനസ്സിലായി,ഞങ്ങള്‍ പരസ്പരം നോക്കി,ഇതങ്ങനെ വിട്ടാല്‍ പറ്റില്ലെന്നു തോന്നി,പിന്നെ ഒന്നും ആലോചിച്ചില്ല ഒറ്റത്തട്ട് അല്ലാണ്ടെത്ത് ചെയ്യാനാ , കിളിക്കും മറ്റും നമ്മുടെ ചിലവില്‍ ഫ്രീയാണു ശാപ്പാടെന്നും മനസ്സിലായി,അവര്‍ കാശുകൊടുത്തിട്ടും ഇല്ല,എല്ലാരെ സ്ഥിതിയും ഇതൊക്കെ തന്നെയെന്ന് മുഖം കണ്ടാലറിയാം,ബസ്സിലിപ്പോള്‍ എല്ലാരും മയക്കത്തിലാ,മുന്നിലുള്ള ദമ്പതിമാര്‍ മാത്രം യാത്ര ആസ്വദിക്കുന്നെന്നു തോന്നുന്നു.ഏതായാലും ഒന്നു ഞാന് തീരുമാനിച്ചു,ഒരു ജോലികിട്ടീട്ട് വേണം അത്യാവശ്യായിട്ട് ഒരു കല്യാണം കഴിക്കാന്‍...
തുടരും....
തുടരും....
![/](http://kalikaonline.com/images/stories/promote/kalika_promote1.png")
3 comments:
അപ്പോള്‍ വിവാഹ ശേഷം യാത്ര ആസ്വദിച്ച് തന്നെ യാത്രാവിശേഷങ്ങള്‍ എഴുതുമല്ലോ അല്ലേ...........
ഇല്ലെന്നാരുപറഞു? എല്ലാം 16 കൊല്ലത്തെ കഥ എഴുതി തീരുമ്പോള്‍ അതില്‍ വരുമല്ലോ ഹ ഹ ഹ അങ്ങനെയും പലതവണ പോയിട്ടുണ്ട് ട്ടോ,!!!
s.k pottakkaattinte yaathra vivranam polundu..onnamtharam..kalakki
Post a Comment